ActionforHealth
Ne mbështesim komunitetet lokale, fuqizojmë fëmijët dhe promovojmë arsimin e mirëqenien sociale në mbarë Kosovën.
Misioni & Vlerat Tona
Action for Health (AFH) është një organizatë jofitimprurëse që synon të sigurojë mirëqenie shëndetësore për të gjithë, pa dallim. Përmes mbështetjes konkrete, edukimit dhe programeve të ndërgjegjësimit, fuqizojmë individët dhe komunitetet që përballen me sfida shëndetësore. Falë partneriteteve dhe përkrahjes së donatorëve, ne krijojmë ndryshime të dukshme e të prekshme dhe ndërtojmë një shoqëri më të drejtë, më të barabartë dhe më të shëndetshme.
Kujdesi
Ne i qasemi çdo situate me empati dhe mirëkuptim, duke vënë nevojat e komunitetit tonë në radhë të parë.
Arsimi
Ne besojmë se arsimi është themeli për thyerjen e cikleve të varfërisë dhe ndërtimin e një të ardhme më të ndritshme.
Komuniteti
Ne punojmë dorë për dore me komunitetet lokale për të krijuar ndryshim të qëndrueshëm dhe afatgjatë.
Shpresë
Ne ofrojmë shpresë dhe mundësi për familjet dhe fëmijët në mbarë Kosovën.
Programet Tona që Bëjnë Ndryshim
Përmes programeve të synuara dhe partneriteteve me komunitetin, ne po krijojmë ndikim të qëndrueshëm në komunitetet më të cenueshme të Kosovës.
Biblioteka Kombëtare e Kosovës u ndriçua me ngjyrë ari, në shenjë solidariteti me fëmijët e prekur nga kanceri dhe familjet e tyre, në kuadër të Muajit të Ndërgjegjësimit për Kancerin në Fëmijëri.
Baleti Kombëtar i Kosovës në bashkëpunim me Action for Health hapi sezonin 2025 me një shfaqje të dedikuar ndërgjegjësimit dhe luftës kundër stigmatizimit të sëmundjeve, në Ditën Botërore Kundër Kancerit, në bashkëpunim me Action for Health. Ky bashkëpunim tregon përkushtimin tonë për të mbështetur artin dhe kulturën si mjete të fuqishme për ndërgjegjësim shoqëror dhe avancimin kulturor në Kosovë. Përmes partneriteteve të tilla, ne kontribuojmë në forcimin e rolit të kulturës në shoqëri dhe në ndërtimin e një komuniteti më të vetëdijshëm, më të drejtë dhe më të përfshirës.
Action for Health mbështet individët dhe komunitetet në sigurimin e qasjes së barabartë në trajtim shëndetësor, medikamente dhe mbështetje pas-trajtimit. Përmes programeve tona, punojmë që qasja në shërbime shëndetësore të jetë e drejtë dhe e barabartë për të gjithë, pavarësisht gjendjes ekonomike apo vendbanimit. Kjo qasje gjithëpërfshirëse përmirëson cilësinë e jetës dhe kontribuon në ndërtimin e një shoqërie më të drejtë e më të shëndetshme
Programe trajnimi, mentorimi dhe lidershipi që fuqizojnë të rinjtë për të ndërtuar një të ardhme më të sigurt.
Ndikimi Ynë në Shifra
Çdo donacion, çdo orë vullnetare dhe çdo partneritet krijon ndryshim të matshëm në komunitetet e Kosovës.
Historitë e Shpresës dhe Ndryshimit
Dëgjoni drejtpërdrejt nga familjet dhe komunitetet jeta e të cilëve është transformuar përmes programeve tona dhe mbështetjes suaj bujare.
"Jam prindi i Eliot Mucaj, u jamë shumë mirënjohse shoqatës Action for Health, sepse nuk na lanë vetëm në rrugtimin tonë më të vështirë të jetës, paqim kësi njerëz shpirtëbardhë e humanë gjithmonë, Zoti ju rujtë e ju Bekoftë kudo që jeni njerëz me zemër të madhe."
"Faleminderit nga zemra. Dua të falënderoj me sinqeritet të madh fushatën Action for Health për ndihmën dhe përkrahjen që më ka dhënë në një kohë shumë të vështirë për mua. Mbështetja juaj më ka dhënë forcë, shpresë dhe më ka treguar se humaniteti ekziston. Jam thellësisht mirënjohëse dhe këtë falënderim do ta mbaj gjithmonë në zemër."
"Me të vërtetë është e vështirë me gjet fjalë për me e përshkru këtë mirësi që ju jeni duke e bërë përmes aktiviteteve të Action for Health dhe të gjitha organizimeve që i bëni për t’i ndihmuar fëmijët me sëmundje malinje, që fëmijët tanë përmes ndihmës suaj materiale dhe morale të kenë shërim dhe jetë të shëndetshme; neve si prindër na e largoni një brengë shumë të madhe materiale për shërimin e fëmijëve tanë. Menari ju përqafon dhe ju falënderon shumë. Zoti ju shpërbleftë. Me shumë dashuri dhe respekt."
"Faleminderit Shoqatës “Action for Health” Nga zemra duam të shprehim mirënjohjen më të sinqertë për punën tuaj të palodhur dhe përkushtimin që tregoni çdo ditë në mbështetje të fëmijëve tanë. Ndihma juaj sjell shpresë, forcë dhe buzëqeshje aty ku shpesh mungojnë, dhe bëhet një dritë shprese për familjet që kalojnë kohë të vështira. Ju jeni shembull i solidaritetit dhe humanizmit, dhe për këtë ju falënderojmë nga zemra. "
Bashkohuni me Ne për të Ndërtuar një Kosovë më të Mirë
Mbështetja juaj mund të na ndihmojë të arrijmë më shumë komunitete, të mbështesim më shumë fëmijë dhe të krijojmë ndryshim të qëndrueshëm në mbarë Kosovën. Çdo kontribut bën diferencë.